Klubet angleze në garë për Bastonin

  • G.G /
  • 21 May 2022 - 13:33
Klubet angleze në garë për Bastonin

Edhe Manchester United raportohet se i është bashkuar garës për transferimin e Alessandro Bastonit.

Sipas “FCInter1908”, ka një interesim serioz nga “Djajtë e Kuq” për mbrojtësin italian.

20 herë kampionët e Anglisë thuhet se po presin që të nënshkruajnë me të në afatin kalimtar të verës.

Trajneri i ri i Manchester Unitedit, Erik ten Hag, thuhet se e sheh Bastonin si lojtarin ideal për të përforcuar vijën e mbrojtjes.

Megjithatë, klubi nga Manchesteri do të përballet me një konkurrencë të fortë për transferimin e 23-vjeçarit, pasi për të besohet se interesim ka shprehur edhe Tottenham Hotspuri.

Trajneri i londinezëve, Antonio Conte, ka punuar me Bastonin te Interi më herët dhe thuhet se e dëshiron ribashkimin me të.

Në anën tjetër, “Nerazzurrët” nuk duan ta ndërpresin bashkëpunimin me reprezentuesin e Italisë, nëse nuk marrin ndonjë ofertë prej së paku 60 milionë funtesh.

Alessandro Bastoni ka kontratë të vlefshme me Interin deri më 30 qershor 2024. 

(Kosova Sot Online)