Henrikh Mkhitaryan i bashkohet zyrtarisht Interit
Interi ka njoftuar zyrtarisht se ka kompletuar transferimin e Henrikh Mkhitaryanit.
Reprezentuesi i Armenisë te “Nerazzurrët” ka kaluar si futbollist i lirë, pas skadimit të kontratës së tij me Romën.
33-vjeçari me Interin ka nënshkruar kontratë të vlefshme deri më 30 qershor 2024.
Para kalimit te Roma dhe tani te Interi, Mkhitaryan kishte luajtur edhe për klubet e njohura si Arsenal, Manchester United, Borussia Dortmund e Shakhtar Donetsk.
Mesfushori armen në sezonin e fundit te Roma regjistroi 44 paraqitje në të gjitha garat.
Ai shënoi pesë gola dhe shtoi nëntë asistime.
(Kosova Sot Online)