Arsenali në bisedime me Zinchenkon, Arteta e dëshiron ukrainasin në skuadër
Pas Gabriel Jesusit, Arsenali është afër që të transferojë edhe Oleksandr Zinchenkon nga Manchester City.
Eksperti i transferimeve, Fabrizio Romano, ka raportuar se klubi nga Londra tani është në bisedime me lojtarin, pasi negociatat me “Qytetarët” po ecin mirë.
Arsenali dëshiron të jetë i shpejtë në këtë transferim, teksa Mikel Arta po e shtyn këtë lëvizje përpara. Sipas Romanos, puna po vazhdon.
Trajneri i londinezëve, Mikel Arteta, ka punuar më parë me Zinchenkon gjatë kohës së tij si asistent i Guardiolas dhe besohet se mban një marrëdhënie të fortë me lojtarin, dhe ai është gjithashtu i tërhequr nga shkathtësia e ukrainasit.
Më herët është raportuar se Zinchenko te Arsenali mund të transferohet për 35 milionë funte.
(Kosova Sot Online)