Lexoni edhe:
Edu Gaspar e merr drejtimin e timonit të Arsenalit, bëhet drejtori i parë në klub
Shqipëria ka nisur përgatitjet intensive për miqësoren me Armenin, pasojnë ndryshime të reja në listën e lojtarëve
Kombëtarja shqiptare po përgatitet me kapacitete të plota për miqësoren e fundit të nëntorit, atë ndaj Armenisë që do të luhet nesër më datë 19 nëntor në stadiumin “Air Albania” e që nis në ora 17:30, transmeton "Kosova Sot Online".
Nën drejtimin e trajnerit Edoardo Reja, ekipi ka zbritur në fushën e kompleksit Tropikal në orët e paradites për të zhvilluar një seancë të lehtë stërvitore, kryesisht me lojtarët që nuk u aktivizuan apo me ato që u aktivizuan vetëm pak minuta në ndeshjen e të mërkurës mbrëma ndaj Italisë. Ndërsa lojtarët titullarë kanë zhvilluar një seancë të reduktuar me ushtrime dhe pa ngarkesa fizike, ka njoftuar Federata Shqiptare e Futbollit.
FSHF gjithashtu bëri me dije se për miqësoren me Armeninë do të ketë sërish ndryshime në listën e kombëtares. Sulmuesi Armando Broja, i cili doli nga loja i dëmtuar në ndeshjen me Italinë pas një problemi në kavilje, i është nënshtruar testeve mjekësore dhe pas konsultimeve me stafin mjekësor dhe stafin teknik, është konkluduar se ai nuk mund të jetë i gatshëm për miqësoren e së shtunës. Kësisoj, sulmuesi është larguar nga grumbullimi për t’u rikthyer pranë klubit të tij. Sakaq, për ndeshjen e së shtunës nuk do të jenë të gatshëm as mesfushori Odise Roshi dhe sulmuesi Myrto Uzuni, të cilët janë larguar gjithashtu nga grumbullimi. Të dy lojtarët do të rikthehen me klubet sipas akordit paraprak mes palëve pasi janë të impenjuar këtë fundjavë në ndeshjet e kampionateve respektive ku aktivizohen. Sa i takon pjesës tjetër të lojtarëve aktualisht nuk ka probleme me dëmtimet.
(Kosova Sot ONline )
