Lexoni edhe:
Agresioni serbomadh i Serbisë ndaj Kosovës duhet të ndalet sa nuk është vonë
Zbulohet edhe një skandali i ri nga Botërori i Katarit : FIFA nis hetim ndaj futjes së kuzhinierit Salt Bae në fushë në finale të Kupës së Botës
Shtëpia e futbollit botëror, FIFA, ka filluar hetimet për kuzhinierin e njohur me emrin artistik, Salt Bae, për rrethanat se si ai u fut në fushë në gjatë festimeve të Argjentinës, në triumfin e këtyre të fundit në Botërorin e Katarit më 18 dhjetor, transmeton "Kosova Sot Online".
Pronari i rrjetit të restoranteve të famshme Nusr-et, emri i vërtetë i të cilit është Nusret Gokce, u pa në fushë pas finales duke u përpjekur të bënte selfie me lojtarët e Argjentinës, përfshirë Lionel Messin, e gjithashtu duke mbajtur Kupën e Botës.
E pyetur nga Sky Sport, FIFA ka thënë se qasja e tij në fushë ishte e paautorizuar, dhe se rregullat thonë se vetëm fituesit e Kupës së Botës dhe krerët e shteteve lejohen të prekin trofeun gjatë ceremonisë së mbylljes.
Një zëdhënës i FIFA-s tha: “Pas rishikimit të pamjeve, FIFA ka është duke parë rrethanat se si individët pa qasje në fushë, janë shfaqur në ceremoninë e mbylljes në stadiumin Lusail më 18 dhjetor. Për rastin do të ndërmerren veprimet brendshme të duhura.”
Mësohet se Salt Bae nuk ka asnjë lidhje me presidentin e FIFA-s, Gianni Infantino, i cili më parë është fotografuar duke vizituar një nga restorantet e tij. Besohet gjithashtu se nuk ka marrëdhënie tregtare midis FIFA-s dhe Salt Bae.
Megjithatë, Salt Bae është një nga 303 personat që Infantino ndjek në Instagramin e tij.
Shefi i famshëm turk është bërë i njohur me pseudonimin Salt Bae që kur u bë i famshëm në rrjetet sociale për stilin e tij unik të erëzave të hedhur në biftekë.
Tani një mikpritës i yjeve në restorantet e tij, prania e Salt Bae në mesin e lojtarëve festues të Argjentinës shkaktoi një stuhi në mediat sociale me kampionët e rinj të botës që duken të jenë apatikë ndaj përfshirjes së tij.
Messi u fotografua duke u përpjekur të largohej pasi kuzhinieri i famshëm i kapi krahun, ndërsa Lisandro Martinez dukej më pak se i kënaqur që u fotografua përkrah tij duke mbajtur trofeun e Kupës së Botës.
Një video përmbledhëse në Twitter e lojtarëve së bashku me Gokce ka mbledhur më shumë se 14 milionë shikime që kur u postua të hënën pasdite.
(Kosova Sot Online )
