Lexoni edhe:
Thyhet dhe plaçkitet për herë të tretë stadiumi “Riza Lushta”, vidhen gjera të vlefshme të klubit Trepça ‘89
Sergio Ramos ka bërë një deklaratë befasuese. Ai ka thënë se Lionel Messi është më i miri në histori. Dyshja në fjalë për shumë vite ishin rivalë të mëdhenj, pasi njëri luante te Real Madridi, e tjetri te Barcelona, transmeton "Kosova Sot Online ".
Por, në vitin 2021, Ramos dhe Messi nënshkruan me Paris Saint-Germainin dhe raportet e tyre u përmirësuan dukshëm.
36-vjeçari së fundmi tha se shtatë herë fituesi i “Topit të Artë” është më i miri në histori.
“Kam vuajtur për disa vite duke luajtur kundër Messit. Tani po e shijoj atë. Leo është futbollisti më i mirë që ka prodhuar ndonjëherë futbolli”, u shpreh spanjolli për “PSG TV”.
Ramos dhe Messi, në sezonin e tyre të dytë te parisienët, synojnë që të korrin sukses në Ligën e Kampionëve.
(Kosova Sot Online )