Emery: Guardiola është trajneri më i mirë

Unai Emery ka thenë se gjurmët që kanë lënë trajnerët spanjollë në Premierligë, e kanë bërë më të lehtë rrugën për të tjerët.

Në një intervistë të dhënë së fundmi për “AS”, ai u pyet se çfarë mendon për faktin që Mikel Arteta dhe Pep Guardiola po ecin mirë me Arsenalin dhe Manchester Cityn, respektivisht

“Fitorja të bën të respektuar. Ndodh që Pep dhe Arteta po fitojnë, po. Por nëse nuk fitoni, ata nuk do t’ju respektojnë. Ne kemi pasur shembuj dhe e vlerësoj këtë. Fillimisht ishte [Rafael] Benitez, pastaj ishte Guardiola”, tha Emery

“Disa ende thonë se Pep ka bërë gjëra të këqija, unë mendoj se gjithçka që ka bërë është shumë e mirë. Ai ka hapur shumë dyer për ne të tjerët me gjithçka që ka bërë. Ai është trajneri më i mirë që kam takuar ndonjëherë”, shtoi ai.

Emery shpjegoi gjithashtu se ai ishte në gjendje të mësonte nga të dy.

“Të marrësh gjërat e tyre dhe të jesh në gjendje t’i zbatosh në stilin tënd ndihmon. Arteta ka avantazhin e të qenit futbollist në Angli, të njohjes së kulturës dhe përveçse ka qenë me Guardiolan duke bërë një punë ku i raportonte. Dhe ka edhe trajnerë prestigjioz si Lopetegui, si Javi Gracia që luajti në një finale të Kupës FA, si Roberto Martínez në kohën e tij… E gjithë kjo ndihmon”, tha trajneri i Aston Villas. 

(Kosova Sot Online)