Lexoni edhe:
Lajm i keq për konsumuesit e duhanit: Deri në 3 mijë euro gjobat ndaj shkelësve të Ligjit
Newcastle United raportohet se i ka vënë sytë kah Neymar. Sipas “Relevo”, klubi anglez ka kontaktuar me përfaqësuesit e braziliat për të diskutuar rreth një lëvizje të mundshme në “St James’ Park” pas përfundimit të sezonit aktual, transmeton "Kosova Sot Online ".
Neymar, i cili thuhet se është i pakënaqur në Paris pas mënyrës se si është trajtuar nga tifozët, po mendon seriozisht largimin nga Paris Saint-Germaini në verë.
Megjithatë, një marrëveshje mes tij dhe Newcastle duket larg, të paktën tani për tani, veçanërisht për shkak të pagës që kërkon ish-sulmuesi i Barcelonës.
Një kalim te Newcastle besohet se nuk është ajo që e kërkon 31-vjeçari, megjithëse interesimi është konfirmuar.
Megjithatë, destinacioni më i mundshëm për Neymar, për shkak të çmimit dhe pagës, është Premierliga.
Chelsea raportohet se është klubi tjetër i interesuar për shërbimet e reprezentuesit të Brazilit.
Neymar me PSG-në ka kontratë të vlefshme deri në verën e vitit 2025.
(Kosova Sot Online )