Pochettino nënshkruan me Chelsean
Mauricio Pochettino do të jetë trajneri i ardhshëm i Chelseat.
Sipas gazetarit të njohur, Fabrizio Romano, argjentinasi tashmë e ka nënshkruar kontratën me “Blutë”, pas marrëveshjes verbale të arritur dy javë më parë.
Edhe njoftimi zyrtar nga Chelsea pritet të bëhet së shpejti.
Pochettino do të fillojë punën si trajner i skuadrës londineze javën e ardhshme.
Ai ka nënshkruar kontratë të vlefshme deri në qershor të vitit 2026.
Kujtojmë se 51-vjeçari ishte pa skuadër që nga vera e kaluar, kur u shkarkua nga Paris Saint-Germaini.
Pochettino në të kaluarën ka drejtuar edhe Tottenham Hotspur, Southampton e Espanyol.
(Kosova Sot Online)