Lexoni edhe:
Edhe treni i Kosovës po pushon për këto dy ditë vikendi!
Kosova e zhvillon sonte “finalen” ndaj Danimarkës
Kombëtarja e Kosovës në basketboll sonte do të përballet me Danimarkën, në njërën nga sfidat më të rëndësishme në vitet e fundit në basketboll, transmeton "Kosova Sot Online".
“Dardanët” duhet të fitojnë me 7 pikë dallim ose më shumë për t’u kualifikuar në kualifikimet e Eurobasket 2025.
Ky është Rrethi i Tretë Parakualifikues, ku në grup ishte edhe Zvicra, që pësoi katër humbje.
Danezët kanë tri fitore, kurse Kosova dy fitore e një humbje.
Danimarka e fitoi ndeshjen e parë ndaj Kosovës 82:75.
Nga kjo ndeshje do të vendoset kombëtarja e fundit që do të marrë pjesë në kualifikimet për Eurobasket 2025.
32 shtete marrin pjesë, ku më pas 20 prej tyre kalojnë tutje, ndërsa Evropiani pas dy vjetësh do të zhvillohet në Letoni, Poloni, Finlandë dhe Qipro. Ndeshja Kosovë-Danimarkë do të zhvillohet në palestrën “Sezai Surroi” në Prizren, me fillim prej orës 20:45.
(Kosova Sot Online )
