Lexoni edhe:
Klubi gjerman ia tregon derën Serbit që tentoi ta luante të zgjuarin te Dortmundi duke fyer Terziqin
Felixi shndërrohet në armik, mbështetësit e Atletico Madridit nuk duan ta shohin më me fanellën e klubit
Që nga vera, Joao Felix ka shkaktuar shumë zemërim te Atletico Madrid. Ndërsa ishte ende në klub, ai deklaroi synimin e tij për t’u bashkuar me Barcelonën, me të cilën ai përfundoi duke nënshkruar një marrëveshje huazimi për një sezon, transmeton "Kosova Sot Online ".
Për më tepër, në ndeshjen e fundjavës së kaluar midis Barcelonës dhe Atletico Madridit, portugezi zemëroi më tej “Rojiblanco” pasi bëri deklarata për stilet e lojës së dy klubeve.
Felix shënoi golin e fitores në ndeshje dhe u duk se “sulmonte” më tej madrilienët me festimin e golit .
Duke marrë parasysh të gjitha këto pika, Alberto Garcia, i cili është zëdhënësi i Unionit Ndërkombëtar të Klubeve Mbështetëse të Atletico Madridit, ka lëshuar një deklaratë drejtuar 24-vjeçari, ku ai foli në emër të entitetit, raportoi “Sport”.
“Tani rezulton se ai ka qenë tifoz i Barcelonës që kur ishte fëmijë dhe i feston golat sikur të kishte një titull në lojë. Ishte goli i tij i dytë në La Liga, nuk është se po kalon një sezon të mrekullueshëm. Është mosmirënjohje dhe mosrespektim ndaj një baze tifozësh që ka qenë e tij dhe e ka trajtuar mirë. Ai ka krijuar një atmosferë armiqësore për Metropolitanon dhe ne nuk duam ta shohim përsëri me fanellën e Atletico Madrid. Ai nuk e meriton (klubin) dhe nuk e ka kuptuar këtë klub apo këta tifozë”.
Atletico Madridi do të presë Barcelonën më 17 mars në “Wanda Metropolitano” dhe mbetet të shihet se cila do të jetë pritja e tifozëve për Joao Felixin.
(Kosova Sot Online )
