Lexoni edhe:
Pikësynimi serbomadh është i pa ndryshueshëm, qëllimi final është ripushtimi i Kosovës
Mbappe mori lltimatum nga nëna e tij
‘Inspired by KM’ është një shoqatë që synon të ndihmojë 98 fëmijë të përmbushin projektet e tyre të jetës. Ky është një projekt i udhëhequr nga Kylian Mbappe që sillet rreth katër vlerave themelore: mësoni, kuptoni, ndani dhe transmetoni. ‘IBKM’, e cila do të prezantohet më 20 janar, mbledh 49 djem dhe 49 vajza , nga mosha 9 deri në 16 vjeç, nga të gjitha nivelet shoqërore, transmeton "Kosova Sot Online".
Fayza Lamari, nëna e Mbappes, ka treguar se si filloi ‘Inspired by KM’, shoqatë në të cilën do të shkojnë një pjesë e mirë e të ardhurave të lojtarit të PSG-së.
“I thashë: “Unë nuk bëj asgjë nën 30%! Do të tërhiqem dhe do të bëj atë që bëjnë të gjithë të tjerët: Do të shkoj me pushime në Maldive, por nuk do të punoj për ty!”, ka thënë Fayza.
Nëna e Mbappes tregon më shumë detaje rreth negociatave të veçanta që ka pasur me djalin e saj.
“Fillimisht i thashë se do të ishte 50%, por ne folëm dhe ishte 30!”, shtoi ajo me shaka.
E gjitha është për një kauzë të mirë. Në ‘IBKM’ ofrohen aktivitete të shumëllojshme dhe të larmishme për fëmijët: kurse gjuhësore, ekskursione kulturore dhe sportive, master klasa, qëndrime… Dhe të gjitha, natyrisht, mbikëqyren nga profesionistë.
Një tjetër fragment nga reportazhi me ‘Envoye Special’ që doli në dritë pak ditë më parë tregon një Mbappe më të afërt , një djalë të ri që ka arritur famë dhe ndonjëherë thjesht dëshiron të jetë një djalë normal. Kylian pranoi se kishte vite që ai kishte shkuar në furrë për të blerë bukë.
“Do të paguaja shumë tani që të mund të bëja këto lloj gjërash që nuk duken si asgjë për shumicën e njerëzve”, tha lojtari i PSG-së dhe vazhdoi: “Kam humbur spontanitetin e një qenie njerëzore”.
E ardhmja
Përtej zakoneve të Kylian, ajo për të cilën të gjithë flasin është e ardhmja e tij. Kontrata e tij përfundon më 30 qershor me PSG dhe ai do të duhet të vendosë nëse do të rinovojë apo do të largohet në një klub tjetër.
“Nuk e kam marrë ende vendimin tim. Nuk kam zgjedhur. Me marrëveshjen që kam bërë me presidentin këtë verë, cilido qoftë vendimi im, ne arritëm të mbrojmë të gjitha palët, të ruajmë qetësinë e klubit për sfidat që vijnë, që është ajo që është e rëndësishme. Pjesa tjetër është dytësore”, deklaroi Kylian pak ditë më parë.
Në lidhje me këtë, Nasser Al-Khelaifi, presidenti i PSG, shpjegoi dëshirën e tij për të pasur Mbappen edhe më tutje në eki.
“Është normale të pyesësh për të. Për mua ai është më i miri në botë, kam një marrëdhënie shumë të mirë me të. Jo vetëm si lojtar, por edhe si person. Ai ka një marrëveshje me mua, siç ka thënë. Nuk ka negociata, por mendoj se ai është ende i ri, dëshiron të fitojë shumë trofe dhe shpresoj me ne”, tha Al-Khelaifi.
(Kosova Sot Online )
