Ky është bodybuilderi i njohur që vdiq në moshën 34-vjeçare, “shkaktare” ishte e dashura e tij
Bodybuilderi i famshëm brazilian, Cristhian Annes, 34-vjeçar, vdiq disa javë para takimit për transplantin e veshkës, dhe pasi kaloi dy muaj në pritje të operacionit.
Annes ishte një nga bodybuilderët më të famshëm brazilian. Ai lindi vetëm me një veshkë, por kjo nuk e shqetësoi gjatë karrierës së tij derisa aksidentalisht zbuloi se shëndeti i tij po përkeqësohej rëndë.
Braziliani e mori vesh sëmundjen gjatë një analize rutinë gjaku me të dashurën e tij. Përkatësisht, e dashura e tij Wanna u tmerrua nga gjilpëra me të cilën duhej të nxirrte gjak dhe bodybuilderi për ta ngushëlluar vendosi të nxjerrë gjak vetë dhe t’i tregojë se nuk ishte asgjë e tmerrshme.
Megjithatë, rezultoi se veshka e Cristhian Annes në trupin e tij po dështon dhe nuk funksionon siç duhet. Ai aplikoi në listën e pritjes së transplantit dhe sipas të dashurës së tij Wanna, ai u ngjit në vendin e 69-të në listën e pritjes dhe do të merrte një veshkë të re brenda disa javësh.
Por, fatkeqësisht nuk e mbërriju dhe ka vdekur më 5 shkurt në moshën 34-vjeçare. Annes kishte dhjetëra mijëra ndjekës në rrjetet sociale dhe në Instagram kishte rreth 42 mijë fansa që shikonin çdo ditë fizikun e tij të pabesueshëm.
Ai ndau programet e tij të stërvitjes me fansat e tij dhe ishte një model për shumë njerëz që filluan të bënin këtë lloj ushtrimi.
Përveç punës në palestër, Annes ishte gjithashtu një bodybuilder i nivelit të lartë dhe shumë i njohur në Brazil, ku arriti rezultate të larta.
(Kosova Sot Online)
