Lexoni edhe:
Planet kriminale të Putinit në Ukrainë dhe i Vuçiqit në Ballkan do të dështojnë në përballje me aleancën perëndimore
E thotë Granit Xhaka: Jam shqiptar me babë e me babëgjysh
Granit Xhaka është njëri prej ambasadorëve më të mirë shqiptarë në botë. Ndonëse nuk merret me politikë, por i takon botës së sportit, ylli i Bayer Leverkusenit i ka bërë shqiptarët shpesh të mburren me paraqitjet e tij dhe me shenjat që i ka dhënë përmes gjesteve, duke mos e harruar asnjëherë prejardhjen e tij, transmeton"Kosova Sot Online ".
Ish-futbollisti i Baselit, Borussia Monchengladbachut dhe Arsenalit, e ka konfirmuar këtë edhe në një video të publikuar në Facebook nga babai i tij, Ragipi.
Mesfushori kualitativ në një video direkte në Tik Tok deklaron me shumë mburrje që është shqiptar, me babë e babëgjysh.
“Gjakun tim nuk e harroj kurrë”, thotë ndër të tjera përfaqësuesi zviceran, i cili ndërkohë e falënderon Zvicrën për gjithçka që i ka dhënë dhe mundësinë për të arritur deri këtu.
“Jam shqiptar me babë, me babëgjysh e me gjak”, shton 31 vjeçari, i cili po shkëlqen në fanellën e Leverkusenit pas rikthimit të tij në Bundesligë.
Xhaka e ka formuar shqiponjën dykrenore pasi kishte shënuar gol ndaj Serbisë në Botërorin e Rusisë, ndërsa ishte protagonist në përballje me serbët edhe në Botërorin e fundit.
Pa dyshim, ai është krenari e Kosovës, por edhe e krejt shqiptarëve anembanë botës.
(Kosova Sot Online )
