Lexoni edhe:
Xhaka pranon se ndaj Kosovës është ndeshje e veçantë
Potter refuzon gjigantin evropian
Që nga koha kur u shkarkua nga Chelsea më tre prill të vitit të kaluar, Graham Potter më nuk ka drejtuar ndonjë skuadër, transmeton "Kosova sot Online ".
Emri i tij u lidh gjatë kësaj kohe me disa skuadra, por që mbeten vetëm në formë spekulimesh.
E tash, thuhet se Potter e ka refuzuar mundësinë për t’u bërë trajneri i ri i Ajax-it.
48 vjeç kishte qenë në bisedime me klubin e Amsterdamit për një rikthim në menaxhim.
Ajax u mposht me rezultat 6-0 në derbin e javës nga Feyenoord duke u futur në krizë edhe më të thellë të rezultateve. Humbja erdhi disa ditë pasi Ajax pezulloi CEO-n e tyre të ri Alex Kroes.
Potter është parë nga drejtuesit e Ajax si njeriu kryesor që do rikthente në rrugën e rezultateve pozitive, por që anglezi ka refuzuar ofertën. Trajneri aktual i holandezëve do të largohet nga drejtimi i skuadrës në fund të sezonit.
(Kosova Sot Online )
