Tifozët e Arsenalit të zemëruar pas formës së Biereth
Tifozët e Arsenalit janë të zhgënjyer pasi kanë kuptuar se klubi i tyre shiti një talent të madh verën e kaluar për një shumë të ulët, vetëm për ta parë atë të shkëlqejë këtë sezon në Austri.
Me Topçinjtë që ende kanë nevojë për një sulmues për të luftuar për titullin, ata u kujtuan për largimin e Mika Biereth, i cili është duke kaluar një sezon fantastik në Austri.
22-vjeçari danez, i cili u largua nga Arsenali për vetëm 4 milionë funte verën e kaluar për t’u bashkuar me Sturm Graz, është kthyer në një makineri golash për këtë skuadër.
Pasi shënoi 14 gola në 25 ndeshje për austriakët, ai kaloi te Monaco në janar për 13 milionë euro + 2 milionë bonuse.
Biereth ka shënuar 7 gola në 7 ndeshje me ekipin e tij të ri, përfshirë një hat-trick në fitoren 7-1 ndaj FC Nantes. Kjo formë e tij ka bërë që tifozët e Arsenalit të shpërthejnë në rrjetet sociale:
“Edu Gaspar, nuk do të të fal kurrë për shitjen e Mika Biereth.”
“Ne duhet t’i kishim dhënë një shans Biereth, është e pabesueshme që e lamë të largohej.”
“Pse e shitëm Mika për 4 milionë kur ai tani vlen trefishin?”
“Ky klub nuk mësoi asgjë nga gabimet me Gnabry e Balogun.”
Kritikat kryesore shkojnë për ish-drejtorin teknik Edu Gaspar, i cili vendosi ta shiste Biereth pa e provuar kurrë në ekipin e parë.
Ndërkohë, Arsenali vazhdon të vuajë për një sulmues, me Havertz, Gabriel Jesus dhe Saka të lënduar, ndërsa Arteta dështoi të transferojë Ollie Watkins në janar.
A është Biereth një tjetër talent i humbur nga Arsenali? Tifozët mendojnë se po!
(Kosova Sot Online)
