Lexoni edhe:
Loredana dhe Mozzik mund të na sjellin surprizën më të bukur për Shën Valentin!
Blake Lively është një nga aktoret më të famshme në botë dhe ndër më të pëlqyerat. Megjithatë fama, bukuria dhe dashuria që i fal publiku nuk e bën imune ndaj pasigurive të përditshme.
Sipas “Cosmopolitan”, Lively ka rrëfyer së fundmi një nga anët e panjohura të saj: mënyrën si është ndjerë pak kohë pasi kishte sjellë në jetë fëmijën e saj të tretë. Si shumë nëna, ajo nuk ndihej rehat në trupin e saj pas lindjes.
Loredana dhe Mozzik mund të na sjellin surprizën më të bukur për Shën Valentin!Lexoni edhe:
“Unë bashkova një këmishë dhe fustan për ta bërë këtë veshje të bukur,” mbishkroi një “Instastory” të një fotoje nga paraqitja e saj në janar të 2020-ës në “The Tonight Show” me Jimmy Fallon.
“Sepse askush nuk kishte mostra që më përshtateshin pas lindjes. Dhe, po ashtu, shumë rroba nga dyqanet nuk më përshtateshin. Shumë!
Nuk u dërgon një mesazh të bukur grave kur trupat e tyre nuk përshtaten me ato që markat kanë për të ofruar. Është tjetërsuese dhe konfuze. Dhe uroj të ndihesha po aq e sigurt atëherë si tani, një vit më vonë duke parë prapa.
Ai trup më dha një fëmijë dhe po prodhonte të gjithë ushqimin e foshnjës. Sa mrekulli e bukur! Por në vend që të ndihesha krenare, ndihesha e pasigurt. Thjesht sepse nuk më bënin rrobat. Sa marrëzi është kjo në retrospektivë“.
Blake mirëpriti vajzën e saj të tretë, Betty, 16 muajshe, me bashkëshortin Ryan Reynolds në vitin 2019. Ata janë gjithashtu prindër të vajzave James, 6 vjeçe dhe Inez, 4 vjeçe.
(Kosova Sot Online)