Aktorja e famshme tregon betejën me depresionin pas vdekjes së babait: Haja pica me orë të tëra

  • E.K /
  • 23 February 2021 - 14:41
Aktorja e famshme tregon betejën me depresionin pas vdekjes së babait: Haja pica me orë të tëra

Aktorja e njohur Priyanka Chopra ka rrëfyer momentin e vështirë të jetës kur humbi babanë e saj në moshën 64-vjeçare pas një beteje të gjatë me kancerin.

Ajo pranoi se as terapia nuk funksionoi asokohe (në vitin 2013) dhe se u detyrua që ta shtynte veten drejt gjetjes së dritës në fund të tunelit.

“Kështu ndihesha, më dukej sikur frika kishte ngelur aty. Provova terapinë, nuk funksionoi për mua atë kohë. Nuk mendoja se ilaçet ishin një mundësi. Nuk e di si nisi, thjesht mbaj mend që ndihesha keq për veten time. Ulesha në divan, shikoja televizor dhe haja pica për orë të tëra. Ndihesha si njeri i pangopur, nuk ndihesha mirë për veten time. Filloi thjesht duke nxjerrë qenin për shëtitje, nisi kështu, hajde dalim dhe marrin ajër të pastër.

Pastaj fillova ta kuptoja se kjo po më bënte të buzëqeshja pak. Fillova të mos përsërisja rutinën. Më pas pak nga pak nisa të takoja miqtë, ju përgjigjesha njerëzve që donin të më njihnin”, rrëfeu Chopra për revistën Hello!

(Kosova Sot Online)