Ofroi 500.000 dollarë, Lady Gagas i kthehen shëndoshë e mirë dy qentë e rrëmbyer

  • E.K /
  • 27 February 2021 - 10:48
Ofroi 500.000 dollarë, Lady Gagas i kthehen shëndoshë e mirë dy qentë e rrëmbyer

Dy qen të këngëtares Lady Gaga, të cilët u vodhën nën kërcënimin e armës më herët gjatë kësaj jave, janë gjetur të palënduar, njoftoi policia në Los Angeles.

Jonathan Tippett, komandant i policisë për divizionin e vrasjeve dhe plaçkitjeve, tha se një grua i solli dy qentë te autoritetet të premten në mbrëmje.

Ai shtoi se hetuesit dhe përfaqëësuesit e Lady Gagas, e cila tash për tash është duke bërë një film në Romë, kanë qenë në stacion dhe kanë konfirmuar se qentë e gjetur janë pikërisht të këngëtares.

Tippett tha se dukej që gruaja që i solli qentë nuk ishte e përfshirë në sulmin e së mërkurës mbrëma. Ende nuk është e qartë se ku dhe si i ka gjetur qentë ajo, shkruan The Guardian.

Kujdestari i këtyre qenve, Ryan Fischer, u qëllua një herë me armë përderisa ishte duke i shëtitur tre qen në Hollyëood. Në pamjet e kamerave të sigurisë shihen dy burra duke dalë nga një veturë e bardhë dhe duke e sulmuar kujdestarin e kafshëve. Më pas, ata arrijnë të marrin dy qen dhe të ikin nga vendi i ngjarjes.

Lady Gagat ë premten përsëriti se do të ketë shpërblim prej 500.000 dollarësh për atë person që ia kthen qentë, të quajtur Koji dhe Gustav, pa i bërë ndonjë pyetje personit që i dorëzon.

(Kosova Sot Online)