“Më shpejt nga sa e prisni”, Arilena dhe Dafina Zeqiri paralajmërojnë bashkëpunimin e ri

  • G.G /
  • 29 July 2021 - 10:23
“Më shpejt nga sa e prisni”, Arilena dhe Dafina Zeqiri paralajmërojnë bashkëpunimin e ri

Këngëtarja e njohur shqiptare, Arilena Ara, është në prag të lansimit të albumit të saj më të ri “Pop Art”.

Deri më tani ajo ka publikuar disa këngë nga albumi, kryesisht bashkëpunime – teksa një tjetër planifikon ta nxjerrë së shpejti.

Bëhet fjalë për një bashkëpunim me këngëtaren shumë të njohur, Dafina Zeqiri, me të cilin do ta ndajë së bashku një nga 13 këngët e albumit të saj të ri.

Kopertina e albumit “Pop Art” nga Arilena Ara 

Dy këngëtaret e njohura kanë publikuar së fundmi një fotografi të përbashkët në rrjetin social Instagram, ku kanë treguar se kënga e tyre e re është rrugës.

“Më shpejt nga sa mund ta prisni”, shkroi Arilena Ara në mbishkrimin e fotografisë së publikuar në llogarinë e saj zyrtare në Instagram.

E njëjta është duke shijuar së fundmi projektin e saj më të fundit në bashkëpunim me reperin Noizy, këngën “Murderer”.

Në albumin “Pop Art”, Arilena do të sjellë bashkëpunime edhe me emra tjerë të njohur si 2po2 dhe Gjon’s Tears’. 

(Kosova Sot Online)