Lexoni edhe:
Bebe Rexha publikon video hot nga pushimet, këngëtarja tund të pasmet teksa i dashuri…
Fatmir Spahiu rrëfen një rast se si të rinjtë nuk po vaksinohen nga frika e sterilitetit
Aktori i njohur shqiptar, Fatmir Spahiu, njihet për satirën e tij në rrjetet sociale.
Megjithatë, në një nga statuset e tij të fundit në rrjetin social Facebook, ai e ndërthuri satirën me një ngjarje reale që i ka ndodhur së fundmi.
‘Oki’ i hit-serialit “Kafeneja Jonë”, ka shkruar se si e ka pyetur një djalë të zakonshëm në kafene se a e ka marrë vaksinën anti-COVID, dhe i njëjti i është përgjigjur me “Jo”.
Spahiu thotë se djaloshi i është përgjigjur duke dhënë si arsyetim mos-marrjen e vaksinës frikën nga steriliteti – ani pse ky nuk është një efekt anësor i saj.
“Në muhabet e sipër, i thash një djalit të ri në kafe, a e ke marrë vaksinën? Ma kthei: Ti a e ke marrë? I thash po, moti! Tha: Lehtë e ke ti, i ke kryer fëmijët! Nejse u qova, erdha në shtëpi dhe në këto çaste me pak vaj ulliri përmbi, jam duke e ngrënë telefonin fiks me gjithë kabllo”, ka shkruar ndër të tjerash aktori.
Me këtë ai ka dashur të ironizojë me faktin se shqiptarët po i frikësohen marrjes së një vaksine e cila globalisht është cilësuar si e sigurt, ndërkohë që nëpër spitale paraqiten raste të ndryshme shumë më qesharake shëndetësore, si ai i gëlltitjes së një telefoni celular, që ndodhi pak ditë më parë dhe u trajtua në QKUK.
(Kosova Sot Online)
