Ylli i “Fifty Shades of Grey” është fejuar

Pas katër vitesh lidhjeje, Chris Martin dhe Dakota Johnson më në fund do të martohen. Revista OK raporton se muzikanti dhe aktorja e “Fifty Shades of Grey” kanë planifikuar të lidhin kurorë në fillim të 2022-it. Martin tashmë i ka kërkuar dorën babait të aktores dhe çifti ka bërë një festë fejese në rezidencën e tyre në Kaliforni.

Lexoni edhe:

Pro Band publikojnë këngën e re 'Op op qika'

“Lajmi nuk ishte befasues për të afërmit dhe të dashurit e tyre, kishte lot gëzimi. Të gjithë janë të emocionuar për ta.”, u shpreh burimi për revistën OK. Aktorja nxiti thashethemet e një fejese të mundshme kur u fotografua dhjetorin e kaluar me një unazë gjigante në gisht.

Çifti u lidhën në vitin 2017, pas ndarjes pas martesës 11-vjeçare të muzikantit me Gwyneth Paltrow. Pavarësisht ndarjes, Paltrow e ka bërë të qartë se ajo e mbështet plotësisht romancën e ish-it të saj me aktoren e mirënjohur. 

{(Kosova Sot Online)}