Lexoni edhe:
E 'zbulon' Majk: Janë rritur eskortat në Prishtinë ku shumica e tyre maskohen si modele
Taylor Swift ka folur për lidhjen e saj më shumë se dyvjeçare
Taylor Swift ka folur së fundmi për lidhjen e saj më shumë se dyvjeçare me sportistin e Kansas City Chiefs, Travis Kelce, duke theksuar sa shumë e mbështesin njëri-tjetrin në pasionet dhe karrierat e tyre, transmeton gazeta "Kosova Sot Online".
Në një intervistë për BBC Radio 2, këngëtarja 35-vjeçare tha:
“E dua personin me të cilin jam, sepse ai e do atë që bëj unë dhe e do faktin që ndihem e plotësuar duke krijuar art dhe muzikë.”
Swift theksoi se Kelce është po aq i përkushtuar ndaj profesionit të tij sa edhe ajo ndaj muzikës. Ajo mohoi gjithashtu thashethemet se do të largohet nga muzika pas martesës, duke shtuar se Kelce e mbështet plotësisht në çdo hap.
“Nuk do të vijë asnjë moment që ai të më thotë: ‘Jam i mërzitur që ende po bën muzikë,’” shtoi ajo.
Swift vuri në dukje ngjashmëritë mes karrierave të tyre: të dy performojnë në stadiume të NFL për më shumë se tre orë.
“Kur unë jam në ato stadiume, është një dhomë grimimi; kur ai është aty, është një dhomë zhveshjeje,” tha ajo me humor.
Swift e përshkroi lidhjen e tyre si të mbushur me pasion dhe mbështetje të ndërsjellë, duke shtuar: “Jemi të dy konkurrues, por në mënyra argëtuese.”
(Kosova Sot Online)
