Lexoni edhe:
Ja kush i bën ofertë Dua Lipës për festën e titullit
Ua prezantojmë vajzat e Mimozës e cila është bërë kryefjalë në Ferma vip
Në një botë televizive të mbushur me zhurmë dhe role të ndërtuara, Mimoza Ahmeti po shfaqet në Ferma VIP 3 si një frymë ndryshe e lirë, e papritur dhe thellësisht njerëzore, transmeton gazeta "Kosova Sot Online".
Me batutat spontane, heshtjet plot domethënie dhe emocionet që nuk i fsheh kurrë, poetja është kthyer në një nga figurat më të komentuara të këtij edicioni.
Rrjetet sociale gumëzhijnë çdo ditë me copëza nga prania e saj. “Moza”, siç e thërret publiku me përzemërsi, ka sjellë në ekran jo vetëm intelektin dhe ironinë e saj të njohur, por edhe një anë të brishtë e të ngrohtë, që prek zemrat e njerëzve.
Por përtej personazhit televiziv, ekziston një grua që mban mbi supe historinë e saj personale — historinë e një nëne. Mimoza Ahmeti është nënë e dy vajzave, fryte të dy kapitujve të ndryshëm të jetës së saj.
Në një nga momentet më emocionuese të spektaklit, vajzat e saj i dërguan një dron me një mesazh prekës mbi fermë. Ishte një çast i heshtur, por i fuqishëm, ku malli, dashuria dhe krenaria u bashkuan në sytë e poetes, duke emocionuar edhe publikun para ekranit.
Eir ka zgjedhur të ecë në gjurmët artistike të së ëmës, duke u shprehur përmes letërsisë, pikturës dhe muzikës si kantautore.
Ndërsa Luka ka ndërtuar jetën e saj larg Shqipërisë, në Kanada, ku ushtron profesionin si fizioterapiste e licencuar.
Mes poezisë, famës dhe emocioneve të ekranit, Mimoza Ahmeti vazhdon të mbetet një figurë që nuk ngjan me askënd tjetër — një grua që edhe në heshtje di të bëjë jehonë.
(Kosova Sot Online)
