Përjashtimi i Berishës rrezikon takimin Rama-Basha?

Të shtunën paradite, grupi parlamentar i Partisë Demokratike do të mblidhet  jashtë radhe pas vendimit të byrosë për përjashtimin e Sali Berishës.

Atë do ta drejtojë Edi Paloka, pasi kryetari Lulzim Basha ndodhet në Luksemburg në takimin e partive popullore evropiane.

Pas përjashtimit të parë të Berishës, grupi demokrat braktisi parlamentin aq ditë sa ishte edhe dënimi për ish-kryeministrin.  Nuk dihet nëse edhe këtë radhë do të merret një vendim për largimin e opozitës nga Kuvendi.

Vendimi mund të ndikojë edhe në anulimin e nja takimi mes kryeministrit Rama dhe kreut të opozitës, Basha, për reformën në drejtësi.

(Kosova Sot)