Valverde i frikësohet Atleticos
Valverde pret ndeshje të vështirë të shtunën kundër Atleticos.
Atletico Madridi dhe Barcelona do të përballen për herë të parë në stadiumin e ri “Wanda Metropolitano”, sfidë kjo që do të zhvillohet nga ora 20:45.
Trajneri i Barcelonës, Ernesto valverde, duke folur në konferencën për media për Atleticon, tregoi se sa të vështirë do ta kenë djelmoshat e tij për t’i marrë pikët e plota ndaj atyre të Diego Simeones.
“Është një ndeshje e madhe dhe besoj se Wanda Metropolitano do të krijojë atmosferë fantastike”, tha fillimisht Valverde.
“Atletico është kundërshtar shumë i vështirë, kandidat serioz për titull dhe të gjithë e dimë se sa e rëndësishme është kjo ndeshje”, shtoi ai.
“Atletico është i vështirë të thyhet dhe ka mbrojtje të fuqishme. Mbrohen si skuadër dhe janë shumë të disiplinuar”, theksoi mes tjerash trajneri Barcelonës.
(Kosova Sot)