Sadiku me fjalë të mëdha për Panuccin

Sadiku ka lavdëruar Panuccin.

Sulmuesi i Kombëtares shqiptare, Armando Sadiku, ka vetëm fjalë të mira për trajnerin e sapoardhur, Christian Panucci.

Sulmuesi elbasanas e vlerësoi këtë grumbullim të gjatë, si një mundësi e mirë njohjeje me trajnerin dhe idetë e tij.

“Është një trajner shumë serioz, i shikon gjërat në detaje. Stërvitjen e bën profesionale. Ne jemi përkushtuar 100% për të zbatuar detyrat që na ka dhënë”, tha Sadiku.

“Mendoj që edhe ai ka futur një frymë të re tek ekipi dhe mendoj që edhe për të kanë qenë perfekte këto ditë, pasi ka pasur më shumë mundësi të na njohë”, shtoi elbasanasi i kuqezinjve.

(Kosova Sot)