Zidane e jep dritën e gjelbër për transferimin e Lewandowskit
Robert Lewandowski është i zgjedhur i Real Madridit për ta udhëhequr vijën e sulmit sezonin e ardhshëm, me trajnerin Zinedine Zidane që tashmë e ka dhënë dritën e gjelbër për transferimin e tij.
Madridi ka arritur marrëveshje në parim me agjentin e sulmuesit polak, izraelitit Pini Zahavi, raporton e përditshmja spanjolle “AS”, përcjell Express.
Sulmuesi i Bayern Munich i mbush 30 vjet në gusht prandaj ky është treni i tij i fundit për Madrid.
Reali ende nuk e ka kontaktuar klubin gjerman, i cili duhet theksuar se nuk dëshiron ta lejojë top golashënuesin e vet të largohet, edhe pse besohet se një çmim prej afro 100 milionë euro mund ta bindë gjiganti gjerman.
(Kosova Sot)