KF Flamurtari mbetet në superligë, mund KF Vushtrrinë me penallti
KF Flamurtari do të jetë në Superligë edhe sezonin e ardhshëm pasi ka mposhtur me rezultat 5-6 Vushtrrinë me penallti
Në një ndeshje interesante KF Flamurtari ka mbetur në superligë të Kosovës pasi që e ka mposhtur KF Vushtrinë me penallti me rezultat 5-6.
Prishtinasit ishin më të mirë në pjesën e parë të këtij takimit dhe arritën që të parët të kalojnë në epërsi.
Goli u shënua në minutën e 14 nga Almir Ajzeraj.
Me këtë rezultat përfundojë edhe pjesa e parë e takimit, kurse në pjesën e dytë ishin vushtrriasit që e kërkuan golin.
Ai erdhi tek në minutat e fundit, saktësisht 7 minuta pa përfunduar ndeshje.
Golashënues për KF Vushtrrian ishte Jetmir Topalli në minutën e 83’të.
Pas barazimit të dy skuadrat shkuan në vazhdime dhe u deshën penalltitë për ta përcaktuar skuadrën që do të garon në superligë sezonin e ardhshëm.
Pas ekzekutimit të penalltive ishte skuadra e Flamurtarit që u treguan më të saktë duke fituar 5-6 kundër KF Vushtrria.
Kështu KF Vushtrria mbetet në Ligën e Parë kurse KF Flamurtari mbetet në superligë edhe për sezonin e ardhshëm.
(Kosova Sot)