Ismail Kadare fiton Çmimin Ndërkombëtar për Letërsi “Neustadt 2020”
Shkrimtari i shquar shqiptar Ismail Kadare është laureati i 26-të i këtij çmimi të njohur ndërkombëtar për letërsi, i cili vlerëson arritjet letrare në mbarë botën.
Për Kadarenë shkruhet: “Ai është romancier, poet, eseist shqiptar i cili u bë i njohur në Shqipëri me forcën e tij poetike si dhe me romanin e tij të parë “Gjenerali i ushtrisë së vdekur” në vitin 1963”.
Ky çmim e ka origjinën në Shtetet e Bashkuara dhe juria e tij përbëhet nga autorë të vlerësuar ndërkombëtarë. Fituesit i dhurohet 50.000 dollarë, një pendë shqiponje argjendi si dhe një certifikatë.
(Kosova Sot Online)