Bëhuni gati për një tjetër pjesë të filmit 'Wrong Turn'

Filmi horror “Wrong Turn” është në qendër të një ribërjeje të re që do të prodhohet nga “Constantin Film”, transmeton gazeta "Kosova Sot Online'.

Regjia do t’i besohet Mike P. Nelson dhe skenari do të mbajë firmën e Alan B. McElroy. Filmi i parë në vitin 2003 pati sukses në të gjithë botën, duke hedhur bazat për pesë filma të tjetër deri në vitin 2014.

Në qendër të historisë janë disa familje kanibale që jetojnë në pyjet e West Virginia dhe dalin në gjueti të personave që kërkojnë aventura në atë zonë. Projekti i ri do të ambientohet në të tashmen dhe do të tregojë atë që i ndodh një grupi miqsh që zbulojnë shumë shpejt se duhet të përballen me rregulla të reja dhe që mund të mos jenë viktimat që mendonin se ishin.

(Kosova Sot Online)