Sedat Kuçi feston ditëlindjen dhe 50 vjetorin e karrierës
Këngëtari i njohur i muzikës qytetare Sedat Kuçi ka festuar 50 vjetorin e karrierës së tij muzikore, shkruan gazeta "Kosova Sot Online".
Pikërisht në këtë jubile, ai ka festuar edhe 70 vjetorin e lindjes.
Me këtë rast ka organizuar një mbrëmje të veçantë me miqtë dhe të afërmit e tij.
Natyrisht se nuk kishte si të mungonte muzika, ku Sedati me miqtë e tij interpretuan disa nga këngët më të bukura të melosit popullor.
Kujtojmë se përveç muzikës, Sedat Kuçi ishte dhe profesor universitar në Fakultetin e Filologjisë, respektivisht në degën e Gjuhës dhe letërsisë shqipe.
(Kosova Sot Online)