'Besiana& të mirët e kombit' me koncert në përvjetorin e 27-të të çlirimit në Shtimes
Për një vit e gjysëm, formacioni “Besiana &të mirët e kombit” mbrëmë realizoi koncertin e 26-të me një sukses që do mbahet mend gjatë kohë në memorien e secilit qytetar të Shtimes!
Mbrëmë kujtuam Reçakun, kujtuam heronjët, martirët, nënat e baballarët përmes interpretimeve klasike, këngëve epike e valleve tona të bukura!
Më tepër se emocion ishte nata e mbrëmshme ku publiku disa herë është ngritur në këmbë në shenjë respekti e mirënjohje për secilin artist!
Me dhjetëra mesazhe kanë arritur sot ku të pranishmit e përshkruajnë si një mbrëmje që do ngelet në historinë e qytetit!
Ky koncert ishte një borgj ndaj babait tim Qaniut, i cili e donte aq shumë Shtimen ku kishte shtëpinë e dytë tek shoku i tij i jetës Nazmi Misini dhe nëse besojmë që ka përjetësi besoj se janë ndjerë krenarë e të lumtur në këtë 27 vjetor!
Mbrëmë aq e madhe ishte lavdia, krenaria sa dukej që të gjallët e të rënët janë bërë tok për të ndjer festën e madhe si dëshmi që liria nuk është dhuratë por amanet i shenjtë që duhet ruajtur e trashëguar brez pas brezi!
(Kosova Sot Online)
