Hapet ekspozita ‘PoDuArtColony’ në Galerinë e Arteve
![Hapet ekspozita ‘PoDuArtColony’ në Galerinë e Arteve](/uploads/kosova-sot/images/2024/May/12/auto_fsdgdgd1715523442.jpg)
Në vazhdën e aktiviteteve për nder të 5 Majit- Ditës së Dëshmorëve, u hap ekspozita "PoDuArtColony" për këtë ekspozitë u zhvillua një koloni arti për tri ditë në fshatin Orllan, organizuar nga profesoresha e artit Dije Bllaca, transmeton gazeta “Kosova Sot Online”.
Në këtë koloni të artit morën pjesë 19 piktorë nga e gjithë Kosova, ku pas tre ditësh punë ata shfaqën pikturat e tyre në ekspozitën e hapur në ambientet e Galerisë së Arteve.
Në këtë ekspozitë ishte i pranishëm Kryetari i Komunës, Shpejtim Bulliqi, drejtoresha e Kulturë, Rinisë dhe Sportit Vlora Humolli-Jashanica dhe drejtorë të tjerë komunal.
Kryetari Bulliqi i uroj piktorët për punën e realizuar gjatë qëndrimit në Orllan, si dhe i siguroj ata se mbështetja institucionale për fushën e artit pamor nuk do të mungojë.
Ekspozita do të qëndrojë e hapur deri më 17 maj nga ora 11:00 deri në 16:00.
![Image](https://www.kosova-sot.info/uploads/kosova-sot/images/2024/May/12/auto_fsdgdgd1715523442.jpg)
(Kosova Sot Online)