Në luftë për vaksinën: Pas Rusisë, Kina po pretendon se e ka zbuluar kurën kundër koronavirusit

  • E.K /
  • 18 August 2020 - 10:16
Në luftë për vaksinën: Pas Rusisë, Kina po pretendon se e ka zbuluar kurën kundër koronavirusit

Kina, vendi nga ku edhe shpërtheu koronavirusi, konfirmon vaksinën e saj të parë të patentuar të koronavirusit. Vaksina e patentuar është prodhuar nga ekipi i ekspertit të sëmundjeve infektive Chen Ëei. Më herët, në testimet e fazës së dytë të vaksinës kandidate u gjet se ajo ishte e sigurt dhe se shkakton reagim imunitar – tha rrjeti kinez CGNT.

Në testim u përfshinë 320 vullnetarë të shëndetshëm të moshave nga 18 në 59 vjeç, nga të cilët 96 kishin marrë pjesë edhe në testimet klinike të fazës 1 dhe 224 në testimet e fazës 2. Xinhua tha se rezultatet tregojnë se vaksina me efikasitet krijon antitrupa neutralizues tek vullnetarët dhe demonstron aftësi të mira për sa i takon nxitjes së reagimit imunitar.

Më herët ishte Rusia ajo që tha se kishte regjistruar e para në botë vaksinën e saj të koronavirusit, të zhvilluar nga instituti i kërkimeve Gamalaya. Të shtunën, ministri i Shëndetësisë tha se kishte filluar prodhimi i vaksinave të para, duke nënvizuar se të parët që do ta kenë atë në dispozicion janë mjekët dhe punonjësit e shëndetësisë e më pas publiku i përgjithshëm. Njoftimi i Rusisë nxiti skepticizëm ndërkohë që vendi planifikon të vazhdojë me testimet e fazës së tretë të saj njëkohësisht me prodhimin dhe përdorimin e vaksinës.

(Kosova Sot Online)