Lexoni edhe:
Vdes zyrtari i Policisë së Kosovës, ishte i infektuar me COVID-19
Vuçiq: Trump mund të na bashkohet në takimin e Washingtonit, nëse ndodh diçka e rëndësishme
Presidenti i Serbisë, Aleksander Vuçiq, ka konfirmuar sot se takimi në mes të Kosovës dhe Serbisë ka gjasa që të shtyhet për datën 3 apo 4 shtator pasi që siç ka thënë ai ka indikacione që në rast se do të ndodh diçka e rëndësishme në takim atëherë edhe presidenti i SHBA’së, Donald Trump, do të futet brenda në takim.
“Negociatat do të jenë për të gjitha çështjet për normalizim, por jo për njohje, janë duke u zhvilluar nën drejtimin e Brukselit, por kjo do të jetë krejt diçka tjetër”, ka thënë Vuçiq për Tv Prva.
Dje media bazuar në burimet e saj ka raportuar se takimi i Washingtonit mund të shtyhet shkaku i presidnetit amerikan, i cili me gjasë mund të përfshihet në takimin mes Kosovës dhe Serbisë.
Derisa nga Kosova nuk kanë ndonjë informatë nëse është shtyrë takimi i paraparë për 2 shtator.
Deri tani s’kanë folur as zyrtarë nga Washingtoni
(Kosova Sot Online)
