Lexoni edhe:
Edhe Prishtina sot me më pak raste, regjistrohen 24 raste brenda 24 orëve
Dy raste të reja me COVID-19 në Malishevë, njëri prej tyre konfirmohet pas vdekjes
Bazuar në të dhënat zyrtare të Institutit Kombëtar të Shëndetësisë Publike të Kosovës, sot në territorin e Komunës së Malishevës, janë regjistruar dy raste të reja me COVID-19, në fshatrat Carrallukë dhe Lladrovc, mirëpo njëri rast është i konfirmuar pas vdekjes, edhe pse në konfirmim nuk sqarohet se personi ka vdekur, por vetëm konfirmohet se është prekur me COVID-19.
I njëjti person ka vdekur dhe është varrosur gjatë ditës së djeshme, ndërsa konfirmimi se është pozitiv me COVID-19, ka ardhur gjatë ditës së sotme.
Për këto vonesa edhe më herët Komuna e Malishevës ka shprehur shqetësimin e saj dhe të njëjtën e ka bërë edhe gjatë ditës së djeshme.
Përndryshe në Komunën e Malishevës, nga data 14 mars 2020, e deri më sot, janë regjistruar 188 raste të prekur me COVID-19, prej tyre 143 janë shëruar, 17 persona kanë vdekur, ndërsa raste aktive janë 28.
(Kosova Sot Online)
