OBSH tregon se në cila raste fëmijët duhet mbajtur maskat

  • E.K /
  • 25 August 2020 - 14:15
OBSH tregon se në cila raste fëmijët duhet mbajtur maskat

Derisa miliona fëmijë po kthehen në shkollë në hemisferën veriore, Organizata Botërore e Shëndetit thotë se ata të moshës gjashtë deri në 11 vjeç duhet të mbajnë maska ënë disa raste për të ndihmuar në ndalimin e përhapjes së koronavirusit.

Rekomandimet e paraqitura të hënën pasojnë besimin e përhapur se fëmijët nën 12 vjeç nuk konsiderohen që përhapin virusin aq sa të rriturit.

Fëmijët në përgjithësi përballen me simptoma më pak të rënda të virusit sesa të rriturit, me të moshuarit më të prekur ndaj infeksionit të rëndë dhe vdekjes.

Tani OBSH thotë se vendimet nëse fëmijët e moshës gjashtë deri në 11 vjeç duhet të mbajnë maska ëduhet të marrin parasysh faktorë siç janë nëse transmetimi COVID-19 është i përhapur në zonën ku jeton fëmija; aftësia e fëmijës për të përdorur me siguri një maskë; dhe mbikëqyrjen e të rriturve kur marrin ose heqin maskat.

“Për fat të mirë, pjesa dërrmuese e fëmijëve që janë të infektuar me virusin duket se kanë sëmundje të butë ose infeksion asimptomatik, dhe ky është një lajm i mirë,” tha Maria Van Kerkhove, shefe teknike e programit të urgjencave të agjencisë shëndetësore të KB.

Ajo ende paralajmëroi se disa fëmijë mund të zhvillojnë raste të rënda të koronavirusit dhe madje edhe të vdesin.

Ndryshimi vjen pasi infeksionet e konfirmuara COVID-19 në të gjithë botën kanë tejkaluar 23 milion dhe vdekjet e konfirmuara kanë kaluar 809,000, sipas një raporti nga Universiteti Johns Hopkins.

(Kosova Sot Online)