Lexoni edhe:
Nëna i la mes rrugës pasi babai i ndërroi jetë, dy jetimët shqiptar ta prekin zemrën
Ministria e Drejtësisë ka propozuar për kryetar të komisionit për provimin e Jurisprudencës Aleksandër Lumezin.
E ky i fundit aktualisht ka dy pozita drejtuese, dhe nëse veç Kuvendi e voton që të jetë në krye edhe të këtij komisioni ky hap do të jetë në kundërshtim me ligjin për Parandalimin e Konfliktit të Interesit në Ushtrimin e funksionit publik.
MD ka propozuar Lumezin për kryetar të Komisionit për Provimin e Jurisprudencës, Shoqëria Civile e kundërshton.
Mban njërën nga pozitat më të rëndësishme publike.
Aleksandër Lumezi, është kryeprokuror i shtetit që nga viti 2015.
Nëna i la mes rrugës pasi babai i ndërroi jetë, dy jetimët shqiptar ta prekin zemrën Lexoni edhe:
Pos kësaj, ai aktualisht është edhe Kryesues i Këshillit Drejtues të Akademisë së Drejtësisë.
Por, Lumezi që është edhe anëtar i Këshillit Prokurorial të Kosovës, është propozuar nga Ministria e Drejtësisë të marrë edhe një pozitë udhëheqëse.
Ministri i Drejtësisë, Selim Selimi të enjten ka bërë publike propozimin për përbërjen e Komisionit për Provimin e Jurisprudencës, në krye me Aleksandër Lumezin.
Selimi, e arsyeton propozimin për Lumezin me nevojën për konsistencë të punës së Komisionit, kryetar i së cilit edhe mandatin e kaluar ka qenë kryeprokurori I shtetit.
Mirëpo, një propozim I tillë në rast se miratohet edhe në Qeverinë e Kuvendin e Republikës së Kosovës është në kundërshtim me Ligjin për Parandalimin e Konfliktit të Interesit në Ushtrimin e Funksionit Publik.
Është Shoqëria Civile që kundërshton një propozim të tillë.
Sipas Ehat Miftarajt, nga Instituti i Kosovës për Drejtësi, zgjedhja e Lumezit në disa pozita drejtuese tregon që politika po i jep shumë pushtet një individi.
Anëtarë të Komisionit për Provimin e Jurisprudencës janë propozuar edhe Hasan Shaja, Nebojsha Boriqiq, Afërdita Bytyqi, dhe Enver Peci.
(Kosova Sot Online)