Lexoni edhe:
Thaçi: U pa që s’ka thika e harta në Shtëpinë e Bardhë, ata që folën kështu të kërkojnë falje
Thaçi për mungesën e tij në Shtëpinë e Bardhë: Nuk ka rëndësi prezenca fizike
Presidenti Hashim Thaçi mungoi në takimin në Shtëpinë e Bardhë, ku Kosova e Serbia nënshkruan marrëveshje ndaras, në praninë e presidentit amerikan, Donald Trump. Ai thotë se nuk ka lidhje që s’ishte i pranishëm në takimet e Uashintonit.
Presidenti, që ka ndalur cdo vizitë jashtë vendit prej që Prokuroria Speciale në Hagë publikoi dorëzimin e aktakuzës ndaj tij, ka folur për mungesën e tij në Uashington javën e kaluar.
Thaçi në konferencën e mbajtur të hënë, tha se për të nuk është e rëndësishme kush përfaqëson Kosovën, por është e rëndësishme “substanca” e marrëveshjeve.
“Për mua me rëndësi është shpirti dhe substanca e marrëveshjes. Më e rëndësishme sesa prezenca fizike. Kosova mund të ketë sukses me lidershipin e SHBA-së, me atë që mund të arrihet në Shtëpinë e Bardhë. Ndihem tepër mirë që ranë ato fluska të gënjeshtra që u përhapën për thika e për harta. Ku mbetën ato konspiracione e akuza, ata duhet t’u kërkojnë falje qytetarëve për atë konfuzion që e krijonin në opinion politik”, është shprehur Thaçi.
Në bisedimet në Shtëpinë e Bardhë, delegacionin kosovar e ka udhëhequr kryeministri Avdullah Hoti, e rrjedhimisht edhe e ka nënshkruar marrëveshjen.
(Kosova Sot Online)
