Lexoni edhe:
Kina e tepron pak: Prezantuesja e lajmeve na e rrezikoi sigurinë kombëtare
Kryeministri i Kosovës, Avdullah Hoti ka kërkuar që të raportojë në Kuvend të Kosovës pas nënshkrimit të marrëveshjes në Shtëpinë e Bardhë.
Kjo është bërë e ditur përmes një njoftimi të nisur nga Qeveria.
Kina e tepron pak: Prezantuesja e lajmeve na e rrezikoi sigurinë kombëtareLexoni edhe:
“Kryeministri i Qeverisë së Republikës së Kosovës, Avdullah Hoti ka kërkuar t’i mundësohet që, në njërën nga seancat e ardhshme, të raportojë në Kuvendin e Republikës së Kosovës për Marrëveshjen e normalizimit të marrëdhënieve ekonomike në mes të Kosovës dhe Serbisë, të nënshkruar në Shtëpinë e Bardhë”, thuhet në njoftim.
Nga Qeveria kanë publikuar edhe letrën që Hoti ka nisur për kryeparlamentaren Vjosa Osmani dhe anëtarët e kryesisë.
Hoti në këtë letër thotë se në Shtëpinë e Bardhë, është arritur një Marrëveshje e rëndësishme për vendin tonë lidhur me normalizimin e marrëdhënieve ekonomike në mes të Kosovës dhe Serbisë.
“ Ky është hap shumë i rëndësishëm drejt marrëveshjes përfundimtare për normalizim të plotë të marrëdhënieve dhe njohje reciproke në mes të dy shteteve. Në bazë të kompetencave dhe përgjegjësive të mia kushtetuese e ligjore, jam i gatshëm që në njërën nga seancat e radhës të Kuvendit të Republikës së Kosovës të raportoj para deputetëve për marrëveshjen në fjalë, si dhe për procesin e dialogut në përgjithësi”, shkruhet në njoftim.
(Kosova Sot Online)