Zemaj rreth situatës me Covid 19: Po shkojmë drejtë përmirësimit

  • E.K /
  • 09 September 2020 - 14:09
Zemaj rreth situatës me Covid 19: Po shkojmë drejtë përmirësimit

Ministri i Shëndetësisë, Armend Zemaj ka thënë se Kosova po shkon drejtë përmirësimit të situatës me Covid 19. Këtë deklaratë Zemaj e bazon në numrin e vogël të rasteve të reja me COVID-19 që po paraqiten së fundmi në Kosovë.

Tha se megjithëse situata po shkon drejtë përmirësimit, nuk duhet të kemi komoditet dhe të lirohemi shumë.

 “Sot kemi, thënë kushtimisht numrin më të madh të rënies së rasteve, po shkojmë drejt një përmirësimi cilësor, por kjo nuk duhet të na lejoj komoditetin që të lirohemi e të shkojmë një nivel tjetër. Ajo çfarë po bëj unë bashkë me profesionistët e tjerë, ku dje kam takuar të gjithë akterët që janë të përfshirë dhe do të dalim me konkluzione dhe rekomandime se si të ecim më tutje”, tha Zemaj.

Ai u shpreh po ashtu se, pavarësisht  presionit nga të gjitha anët, me rëndësi për ta është ruajtja e shëndetit të qytetarëve.

“Pavarësisht presionit, apo interesave të domosdoshme të gastronomisë, afaristëve, sportistëve dhe të tjerëve, për mua dhe Ministrinë e Shëndetësisë e rëndësishme është ruajtja e shëndetit dhe jetës së njerëzve”, u shpreh Zemaj.

(Kosova Sot Online)