Netanyahu: Marrëveshjet e normalizimit mund t’i japin fund konfliktit arabo-izraelit
Kryeministri izraelit, Benjamin Netanyahu tha sot se nënshkrimi në Shtëpinë e Bardhë i marrëveshjeve të normalizimit midis Izraelit, Emirateve të Bashkuara Arabe dhe Bahreinit mund t’i japin fund konfliktit arabo-izraelit.
“Për ata që mbajnë plagët e luftës, vlerësojnë bekimet e paqes, ajo që ne po bëjmë sot është e madhe, së pari, sepse kjo paqe përfundimisht do të shtrihet në shtetet e tjera arabe dhe sepse ajo mund t’i japë fund konfliktit midis Izraelit dhe vendeve arabe njëherë e përgjithmonë”, tha ai.
Ministri i Jashtëm i EBA-s, Abdullah ben Zayed Al-Nahyane, e falënderoi udhëheqësin izraelit për ndalimin e aneksimit të territoreve palestineze.
(Kosova Sot Online)