Kushdo që i sheh këta tre persona, lajmërojeni menjëherë Policinë

Policia Rajonale e Pejës ka kërkuar ndihmën e qytetarëve për arrestimin tre personave gjatë këtij muaji. Ata po kërkohen për veprën penale “Blerje, posedim, shpërndarje dhe shitje e paautorizuar e narkotikëve”.

Përmes një komunikate drejtuar mediave, Policia dje ka kërkuar bashkëpunim për arrestimin e Labinot Zeqajn nga Deçani.

32-vjeçari nga Deçani po kërkohet për veprën penale “Blerje, posedim, shpërndarje dhe shitje e paautorizuar e narkotikëve”.

Në kërkim për këtë vepër është edhe Kushtrim Haliti nga Peja. Policia ka bërë me dije se ka siguruar urdhëresën e Gjykatës për publikimin e fotos me shënime të tjera të 37-vjeçarit nga Peja, me qëllim arrestimin e tij.

Policia ka kërkuar ndihmë edhe për arrestimin e një personi tjetër nga Peja. Bëhet fjalë për 34-vjeçarin, Fidan Kelmendin.

“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në kërkesën e Policisë.

Ndryshe, falë bashkëpunimit me qytetarë, Policia Rajonale e Pejës ka arritur të arrestojë 12 persona të kërkuar.

“Duke iu falenderuar bashkëpunimit me qytetarët dhe aktivitetit të Policisë, në Drejtoinë Rajonale të Policisë në Pejë, kësaj jave e deri me sot është arritur të arrestohen gjithsejtë dymbëdhjetë (12) persona, me urdhërarrest të kërkuar për vepra të ndryshme penale”, ka njoftuar dje Policia.

Më poshtë gjeni fotografitë me shënime të tjera të personave në kërkim:

(Kosova Sot Online)