Lexoni edhe:
Aksident në rrugën Mitrovicë-Pejë, lëndohen dy persona
U nominua për Nobel, Putin telefonoi sot Macronin dhe i tha se Navalny helmoi veten me Noviçok
Presidenti i Rusisë Vladimir Putin raportohet se ka thënë në një bisedë telefonike me presidentin e Francës Emmanuel Macron se kryeopozitari Alexei Navalny mund të jetë helmuar vetë me agjentin nervor Novichok, shkruan e përditshmja franceze Le Monde, duke cituar dy burime.
Gazeta thotë se në bisedën e tij me Macron, Putin fliste me përçmim për Navalny duke e quajtur opozitarin “person që krijon probleme në Internet.”
Presidenti rus tha gjithashtu se Navalny ka përdorur fondet e anti-korrupsinit për të “korruptuar e bërë shantazh ndaj zyrtarëve” si dhe ka kryer akte ilegale.
Le Monde shkruan se Putin bëri deklaratën mbi Navalny pasi beson se agjenti nervor nuk është i vështirë për t’u prodhuar. Kreu i Kremlinit kishte shtuar se Rusia nuk ka nisur ende hetimet mbi çështjen pasi Gjermania e Frana nuk kanë sjellë rezultatet e testeve të helmimit të Navalny.
Le Monde shkruan se Macron kishte refuzuar versionin e Putin se opozitari kishte helmuar veten.
Alexei Navalny u sëmur më 20 gusht në avionin me të cilin po fluturonte nga Tomsk drejt Moskës. Avioni bëri ulje emergjence ne Omsk, ku Navalny u shtrua në spital. Më vonë ai u kurua në Berlin dhe tashmë është i rekuperuar.
(Kosova Sot Online)
