Lexoni edhe:
Konfirmohet: Hysni Gucati u arrestua dhe po dërgohet në Hagë
Haradinaj reagon pas arrestimit të Gucatit: Nuk është dashur të publikohen dosjet e Speciales
Kreu i AAK’së, Ramush Haradinaj, ka reaguar pas arrestimit të kryetarit të OVL-UÇK’së, Hysni Gucatit. Edhe pse nuk dihet akoma arsyeja e arrestimit, Haradinaj thotë se publikimi i dosjeve të Tribunalit Special (që e ka bërë OVL-UCK’ja) ka qenë gabim.
Forcat policore të Eulex’it, pas një aksioni disa orësh, e kanë arrestuar kreun e organizatës së veteranëve të UCK’së, Hysni Gucatin.
Sipas Haradinajt, publikimi i dosjeve dhe tentimi për ta paraqitur Kosovës si penguese të drejtësisë është e gabuar.
Megjatë, ai thotë nuk ka pasur arsye për operacioni dhe bastijse, dhe se secili do t’i përgjigjet vullnetarisht drejtësisë.
Shkrimi i plotë:
Të nderuar qytetarë,
E ritheksoj qëndrimin tim, se publikimi i dosjeve të Gjykatës Speciale ka qenë i gabuar dhe se do e dëmtojë më së shumti shtetin tonë, përfshirë edhe vet të akuzuarit.
Tentimi për të krijuar imazhin se Kosova është e mobilizuar ta pengojë drejtësinë është i gabuar. Ne nuk kemi qenë e as nuk jemi në anën e kundërt të drejtësisë.
Apeloj te organet e drejtësisë, vendore dhe ndërkombëtare, që të respektojnë të drejtat e të gjithëve. Asnjë i akuzuar nuk do t’i ik drejtësisë.
Konsideroj se nuk ka arsye për operacione e bastisje, sepse secili do t’i përgjigjet vullnetarisht drejtësisë.
Kosova është gjithmonë me ligjin dhe me viktimat, sepse vet ishte viktimë e padrejtësive. Vet UÇK-ja dhe populli i Kosovës kanë argumentuar se gjithmonë janë pozicionuar në anën e drejtësisë, të vërtetës, dhe të drejtës ndërkombëtare. Kjo nuk ka ndryshuar asnjëherë!
RH
(Kosova Sot Online)
