Lexoni edhe:
Tomë Gashi dhe Faton Klinaku ftohen nga Gjykata Speciale, pritet arrestimi i tyre
Autoriteti i Aviacionit Civil e ka realizuar sot një test të fshhtë të sigurisë në Aeroportin Ndërkombëtar “Nënë Tereza” në Prishtinë. Ky test u bë për ta testuar sistemin e sigurisë në këtë aeroport.
“Autoriteti i Aviacionit Civil kreu ditën e sotme në datë 30 Shtator 2020, një test të fshehtë të sigurisë në Aeroportin Ndërkombëtar “Nënë Tereza”, me qëllim testimin e sistemit të sigurisë dhe vlerësimin e reagimit të operatorit aeroportual në rastet e një rreziku potencial nga akte të ndërhyrjes së paligjshme”, thuhet në njoftimin e Autoritetit të Aviacionit Civil.
Tomë Gashi dhe Faton Klinaku ftohen nga Gjykata Speciale, pritet arrestimi i tyreLexoni edhe:
Me këtë test, ky autoritet e vlerëson performancën e operatorit aeroportual në përpjekje për të rritur sigurinë në aviacionin civil.
“Me qëllim sqarimin e opinionit publik, Autoriteti i Aviacionit Civil ju informon se: këto lloj aktivitetesh monitoruese janë pjesë e metodologjisë për të vlerësuar performancën e operatorit aeroportual në përpjekje për të rritur sigurinë në aviacionin civil”, thuhet në njoftim.
Autoriteti i Aviacionit Civil i ka falenderuar për bashkëpunimin të gjitha subjektet pjesëmarrëse në këtë aktivitet të cilin e kanë cilësuar të rëndësishëm për sigurinë e aviacionit civil.
(Kosova Sot Online)