Ministri Zemaj thirrje studentëve të respektojnë masat anti-Covid

Sot fillon viti i ri akademik në institucionet e arsimit të lartë. Me këtë rast ministri i Shëndetësisë, Armend Zemaj, i ka uruar studentët, të cilëve ju ka uruar sukses.

Zemaj përmes një postimi në Facebook ka kërkuar nga studentët që të respektojnë masat anti-covid, që të ruajnë vetën dhe të tjerët.

Postimi i tij:

Studentë të dashur,

Ky vit akademik nuk po fillon si zakonisht, në këtë bashkëjetesë me pandemi tashmë jemi rreshtuar edhe ne, pa dashje, por, ju assesi mos e harroni qëllimin tuaj, pse jeni aty, në rrugëtimin më të rëndësishëm, për ju dhe shtetin.

Të nderuar student,

I vetëdijshëm për sfidat që mund t’i keni këtë vit, ju bëjë thirrje që të na ndihmoni, duke ruajtur veten dhe të tjerët. Respektoni masat anti covid, duke qenë bashkë, ne mund t’ia dalim.

Suksese e ju prift e mbara, qoftë një vit me shumë arritje. Sukseset Tuaja janë e ardhmja jonë!

(Kosova Sot Online)