Lexoni edhe:
Komunat prej nga vijnë 42 të infektuarit me COVID-19
Ngjarje e trishtë në Drenas: E mitura u dhunua nga një burrë, e dashura e tij ishte në dijeni
Një e mitur në Drenas dyshohet se është dhunuar nga një burrë dhe në dijeni ishte edhe një grua e cila nuk kishte ndërmarrë asgjë, e për këtë rast janë arrestuar të dy. Media mëson se dy të dyshuarit ishin në lidhje dashurie dhe se viktima ishte familjare e gruas.
Raportimi i rasteve të dhunës seksuale është shtuar së fundmi në Kosovë.
Dy javë më parë, e mitura nga Drenasi është dhunuar seksualisht nga një burrë. Në dijeni rreth këtij dhunimi ishte gruaja me të cilën i dyshuari ishte në lidhje.
Media mëson se përveç që ishte në dijeni, gruaja e kishte edhe familjare viktimën.
Burri dhe gruaja janë arrestuar dhe me urdhër të prokurorit janë dërguar në mbajtje. Ndërsa e mitura është dërguar në strehimore dhe pritet të bëhet ekzaminimi mjeko-ligjor.
Nga Prokuroria Themelore në Prishtinë kanë thënë se është caktuar masa e paraburgimit ndaj dy të dyshuarve.
“Lidhur me këtë rast, krejt çka mund të themi është se prokurori i Departamentit për të Mitur në Prishtinë ka ushtruar kërkesë për caktimin e masës së paraburgimit për dy personat e dyshuar”, tha zëdhënësja për informim e Prokurorisë Themelore në Prishtinë, Laureta Ulaj.
Po ashtu edhe një 14 vjeçare nga Gjilani dyshohet se u dhunua seksualisht nga dy persona, njëri ishte 21-vjeçar e tjetri 30. E mitura kishte mbetur shtatzënë dhe njëri nga dhunuesit e saj e detyroi atë që ta abortonte fëmijën. E brenda javës së kaluar edhe një vajzë nga Peja i kishte shpëtuar një tentim dhunimi nga vjehrri i saj. Por ka edhe dhjetëra raste të ngjashme kur vajzat kosovare kanë raportuar dhunimet seksuale në polici.
Policia e Kosovës në një përgjigje për express thanë se nga muaji janar e deri në muajin gusht për veprën penale të ‘Dhunimit’ janë paraqitur në organet e hetuesisë 39 raste të dhunimit seksual.
(Kosova Sot Online)
