Lexoni edhe:
Serbët në Prizren thërrasin “Kosova është Serbi” në ceremoni fetare
Von Cramon: Nëse ne në Parlament Evropian do ta thoshim fjalën e fundit, Kosova do të kishte liberalizim të vizave
Raportuesja për Kosovën në Parlamentin Evropian, Viola Von Cramon, thotë se Kosova do ta kishte liberalizimin e vizave, nëse Parlamenti Evropian do ta thoshte fjalën e fundit për këtë çështje.
Von Cramon i është përgjigjur një postimi në Twitter të bërë nga faqja “Kosdata”, ku thuhet se vetëm kosovarët nuk janë të lirë të lëvizin pa viza në Europë.
“Njerëz, unë jam e vetëdijshme për këtë fakt. Fatkeqësisht, nuk varet nga unë që të vendos për këtë. Më besoni, nëse ne në Parlamentin Evropian do ta kishim fjalën e fundit, Kosova do t’i kishte të njëjtat mundësi udhëtimi si të gjitha shtetet tjera evropiane, por është presidenti i Këshillit Evropian ai që e merr vendimin”, ka shkruar Von Cramon në Twitter.
Von Cramon ka qenë çdo herë e zëshme për çështjen e liberalizimit të vizave për kosovarët.
Ajo kishte thënë se qytetarët e Kosovës e kanë merituar liberalizimin ashtu si të gjitha vendet e tjera të Ballkanit Perëndimor.
(Kosova Sot Online)
